NORA GOAZ?auskalo//
Disko hau hainbat gauzen nahasketa batetik sortzen da, dena hain azkar nola aldatzen den ikusteaz — teknologia, zientzia, nola bizi garen — eta geure buruari benetan norantz goazen galdetzeaz.
Baina zerbait pertsonalagotik ere sortzen da. Urteak betetzen joan ahala beste galdera batzuk agertzen dira: zer zentzu du horrek guztiak?, gure bizitzako zein puntutan gaude?, zer ikasi dugu eta zer geratzen zaigu ulertzeko?
Disko honetako kantuek gelditu gabe mugitzen den mundu bati buruz hitzegiten dute eta norberaren galderak isladatzen dute.. Abesti batzuk kanpora begira eginak dira eta beste batzuk berriz barrura begira. Denak sortzen dira zerbait esan beharretik, isilik ez gelditzetik, zentzua bilatzetik, beti aurkitzen ez bada ere.
Nora goaz? Hori da: galdera irekia, pentsatzeko, sentitzeko... eta aurrera jarraitzeko aitzakia.
INFORMAZIOA
proiektua//Nora goaz?
grabaketa//Arrieta Etxea (Donostia)
proiektuaren hasiera//2018
website//https://manunaiz.com
label//Arrieta Records
ABESTIAK
1.- landarbaso/04:39
2 - ez gehiegi pentsatu//02:41
3 - bidean// 02:45
4 - aurerrakoiak gara//02:54
5 - etxeari bueltaka//02:54
6.- zer moduz zaude?// 04:44
7.- springsteenen galdera// 05:47
8.- iraileko bazkaria// 03:22
bideoak youtube//
bidean (2021)
proiektua// nora goaz?
Orain urte batzuk egindako balada. Bakarkako gitarra justu xamarra da, nere teknikaren moduan.
manunaiz: gitarra: elektrikoa, bajoa,, sintea,
ez gehiegi pentsatu (2020)
proiektua// nora goaz?
Abestiak ironiaz hitz egiten du pentsamendu kritikorik ezaz, dogmatismoen gorakadaz, kontrarioarekiko errespetu faltaz, indibidualismoaz eta desinformazioaz, egiazkoa edo faltsua zer den bereizten zaila den garaietan. Entzuten den ahotsa erreala denaren eta fikzioaren arteko distantziaren froga ona da: nahiz eta nik kantatzen dudan, beste pertsona baten ahotsa entzuten da.
manunaiz: gitarra: elektrikoa, bajoa,,sintea,,ahotsa
etxeari bueltaka (2018)
proiektua// nora goaz?
2018. urtean belauneko lesio serio xamarra izan nuen alabarekin futbolean ari nintzala eta etxean egin nituen hilabete batzuk. Egunero errehabilitazio ariketak egiten nituen eta kamara bat erabiliaz txorien bideoak egiten. Aspertzeko eta abesti hau ere egiteko denbora hartu nuen. Bizitzaren ironiak; gerora jakin det batenbatek esanda Julio Iglesiasen ibilbide antzekoa egin detela, hau da, lesio baten ondoren futbola utzi eta kantatzen hasi. Uff.
manunaiz: gitarra: elektrikoa, pianoa, bajoa,,sintea,,ahotsa
aurrerakoiak gara (2018)
proiektua// nora goaz?
Ziztu bizian goaz aurrera, biharamunik ez balego bezala. Teknologiak eta aurrerapenak gero eta azkarrago bultzatzen gaituzte, baina planeta prezioa ordaintzen ari da. Kutsadurak hazten jarraitzen du, eta enpresa handiek, beren botere guztiarekin, interes handiagoa dute beren irabazietan lurraren eta pertsonen ongizatean baino. Aurrerapenaren eta ekonomiaren izenean, baliabideak ustiatzen jarraitzen dugu, ondorioetan pentsatu gabe.
manunaiz: gitarra:, bajoa,,ahotsa
springsteenen galdera
proiektua// nora goaz?
Bat-batean hil zen lagun handi bati omenaldi gisa egin nuen kantu hau duela urte batzuk. Bideo honetan bere bi pasio nagusi batu ditut: Bruceren musika eta bizikleta Zuretzako da, Iñigo.
manunaiz: armonika, gitarra, pianoa, sintea, bajoa,,ahotsa
maddi zubillaga: biolina